VOV4.Êđê- Aguah mbrue (5/10), ti Hà Nội, Phŭn bruă duh mkra mnia mblei bi mguôp leh hŏng Knơ̆ng bruă ksiêm duah kơ hdră êlan Anăn knăl lehanăn klei bi ktưn ênuah, mkŏ mjing “Klei bi kƀĭn ksiêm wĭt mkŏ bruă duh mkra mnia mblei kñăm mđĭ kyar bruă duh mkra”. Ngă klei bi kƀĭn anei kñăm duah hdră mđĭ hĭn klei bi đru, bi mnia mblei hŏng klei kjăp, ba wĭt hlăm hdră tŭ dưn hĭn, kjăp nanao hlăm wưng kơ anăp. Kyua hmăi amâo mâo jăk mnơ̆ng klei ruă tưp Covid 19, dŭm bruă bi mnia mblei, klei mkŏ mjing bruă bi hgŭm duh mkra mnia mblei kƀah. Hnơ̆ng hrui wĭt mơ̆ng dŭm bruă hiu čhưn ênguê, anôk bruă čhĭ mnơ̆ng ƀơ̆ng huă hrŏ sơăi, phung ƀuôn sang tuôm hŏng klei dleh dlan mơh. 9 mlan akŏ thŭn ênoh bi mnia mblei hrŏ sơăi truh 7,1% mkă hŏng wưng anei thŭn dih. Ti anôk bi kƀĭn phung thơ̆ng kơ bruă ăt hlak mblang kơ jih jang klei dleh dlan, klei amâo mâo jăk prŏng kơ klei duh mkra Việt Nam hlăk dôk tuôm, lehanăn bi trông kơ hdră êlan mdrơ̆ng hŏng klei bi mlih mơ̆ng klei ngă bruă kñăm mđĭ kyar bruă duh mkra./.

Pô mblang: Y-Khem Niê