VOV4.Êđê - Ti anăp klei mâo dleh dưi ksiêm dlăng mơ̆ng klei ruă Covid 19 tar rŏng lăn, Knŭk kna pŏk ngă leh hdră “vaccine hŏng bruă ala tač êngao” mjêč, kluôm, kjăp čiăng mâo vaccine lu hĭn lehanăn pral hĭn kñăm pŏk mlar hdră tlŏ mgang hlăm kluôm ala čar. Hluê si K’iăng khua phŭn bruă hŏng tač êngao Nguyễn Minh Vũ, hlăm wưng ti anăp, Việt Nam srăng mtrŭt mđĭ hdră bruă “vaccine hŏng bruă ala tač êngao” hŏng tlâo mta bi mjĕ mbĭt anăn tui duah lu phŭn mkăp êa drao mdrao klei ruă Covid 19. K’iăng khua phŭn bruă Nguyễn Minh Vũ lač snei: Ară anei hdră êlan “vaccine hŏng bruă ala tač êngao” mâo pŏk ngă djŏ hdră, mđrăm mbĭt hlăm kluôm ala ti hnơ̆ng mdê mdê. Nguyễn Minh Vũ brei thâo, tĭng hlăm mlan 9 lehanăn 10/2021, Việt Nam srăng mâo thiăm 30 êklăk hnơ̆ng vaccine. Knŏng hlăm mlan 9.2021, srăng mâo 16 – 17 êklăk hnơ̆ng vaccine truh ti Việt Nam mơ̆ng phŭn mkăp mdê mdê./.

H Nêč pô mblang