VOV4.Êđê - Leh knŭk kna mâo Hdră mtrŭn 128 kơ hdră hdĭp djŏ guôp, pral kdal, ksiêm dlăng tŭ dưn klei ruă Covid 19, lu anôk bruă duh mkra ti dŭm čar kwar Dhŭng lŏ wĭt ngă bruă snăn mnuih mă bruă ti dŭm čar krĭng Lăn dap kngư ăt mphŭn lŏ mă bruă knuă. Ti ktuê êlan dơ̆ng prŏng mrô 14, dŭm hruê giăm anei mâo lu êdeh êdâo lŏ nao kơ dŭm čar kwar Dhŭng, mnuih ngă bruă lŏ nao mă bruă hŏng lu klei čang hmng hlăk mâo lu mta klei mđing uêñ mâo anôk bruă duh mkra ƀuăn rơ̆ng msir mghaih.

Hlăk klei ruă Covid 19 bluh mâo dleh dưi ksiêm dlăng, lu anôk bruă duh mkra kđăl ƀăng, mnuih mă bruă mơ̆ng krĭng Lăn dap kngư bi kluh wĭt kơ ƀuôn sang kñăm gang mkhư̆ klei ruă tưp.. Ƀiădah leh Knŭk kna mâo Hdră mtrŭn 128 kơ hdră hdĭp djŏ guôp, pral kdal, ksiêm dlăng tŭ dưn klei ruă Covid 19, lu anôk bruă duh mkra lŏ wĭt ngă bruă snăn mnuih mă bruă ti dŭm čar krĭng Lăn dap kngư ăt mprăp lŏ nao mă bruă. Grăp hruê, mâo giăm 1 êbâo čô mnuih lŏ nao kơ dŭm čar kwar Dhŭng. Anei jing dŭm klei bi êdah jăk kñăm lŏ krŭ wĭt bruă duh mkra kwar Dhŭng êdei kơ klei ruă tưp./.

H Nêč pô mblang