VOV4.Êđê- Tlam 6-10, Klei bi kƀĭn Khua phŭn bruă ASEAN kơ Klei êđăp ênang hlăm êlan internet tal 5 (AMCC-6) mơ̆ng Singapore mkŏ mjing hluê hdră online klă sĭt mphŭn pŏk. Êpul bi ala Việt Nam kyua Trung tướng Lương Tam Quang, K’iăng Khua phŭn bruă kahan ksiêm nao hlăm anôk mkŏ ti Hà Nội. Hruê kăm Klei êđăp ênang hlăm êlan internet quốc tế tal 6 (SICW-6) leh anăn  Klei bi kƀĭn  Khua phŭn bruă ASEAN kơ Klei êđăp ênang hlăm êlan internet tal 6 (AMCC-6) jing bruă ngă grăp gưl kyua Singapore mkŏ mjing kñăm bi trông klei thâo, hmư̆ klei hâo hưn kơ boh klei êđăp ênang hlăm êlan internet leh anăn hlăm ASEAN. Akŏ mơ̆ng Hruê kăm Klei êđăp ênang hlăm êlan internet quốc tế thŭn anei jing “ Hdĭp mbĭt hŏng Covid-19- ksiêm dlăng klei lông dlăng leh anăn klei găl kơ klei êđăp ênang hdră mrô” kñăm bi trông kơ bruă bi hgŭm plah wah dŭm ala čar, anôk bruă mnia blei čiăng ba yua dŭm klei găl hdră mrô ka tuôm mâo ôh êlâo wưng mâo klei ruă tưp leh anăn mdrơ̆ng hŏng dŭm klei arưp aram hlăm êlan internet dôk đĭ ktang kñăm rơ̆ng klei êđăp ênang leh anăn klei hơĭt kjăp hlăm êlan internet

Pô mblang: H’Zawut Ƀuôn Yă