VOV4.Êđê - Tlam 14/10, ti Sang bruă kƀĭn ala, Khua bruă kƀĭn ala Vương Đình Huệ leh anăn Khua dlăng bruă Đảng Knŭk kna, Khua Knŭk lna Phạm Minh Chính gĭt gai klei bi kƀĭn plah wah Đảng êpul bi ala bruă kƀĭn ala leh anăn Anôk dlăng bruă knuă đru Đảng Knŭk kna kơ bruă mprăp klei bi kƀĭn tal dua, Bruă kƀĭn ala gưl XV (mĭn tĭng mphŭn pŏk hruê 20/10).

Blŭ hrăm klah čŭn klei bi kƀĭn, Khua bruă kƀĭn ala Vương Đình Huệ brei thâo, truh ară anei, jih jang dŭm bruă mprăp kơ klei bi kƀĭn tal dua dưi bi leh hŏng klei tŭ ư jăk. Khua bruă kƀĭn ala ăt mtă, khua gĭt gai bruă kƀĭn ala, Knŭk kna, Sang phat kđi yang ƀuôn gưl dlông, Sang msir kđi klei yang ƀuôn gưl dlông, Dhar bruă gưl dlông mặt trận čar kwar Việt Nam, 4 adŭ bruă gưl dlông lŏ dơ̆ng gĭt gai dŭm anôk bruă djŏ tuôm bi hgŭm tliêr kjăp hlăm hdră mkŏ mjing Klei bi kƀĭn tal dua čiăng hmao msir mgadih dŭm bruă huĭ dah mâo. Khua bruă kƀĭn ala Vương Đình Huệ mtă bruă mprăp kơ klei bi kƀĭn tal 2 amâo dưi ngă ngơi mang, brei rơ̆ng jih hnơ̆ng klei êđăp ênang leh anăn bruă hâo hưn mtô mblang.

H  Zawut pô mblang