VOV4.Êđê- Tlam mbrue, Khua Bruă kƀĭn ala Vương Đình Huệ mă leh bruă hŏng Adŭ bruă Bruă kƀĭn ala lehanăn dŭm hdră êlan djŏ tuôm kơ bruă mprăp djăp klei găl čiăng mkŏ mjing klei bi kƀĭn tal dua, Bruă kƀĭn ala tal 15, klă klơ̆ng srăng pŏk hlăm hrue mgi (20/10). Tui si Khua čih hră bruă kƀĭn ala dŭm boh phŭn kơ klei bi kƀĭn mâo ba mdah leh djăp ênŭm hŏng bruă kƀĭn ala. Jih jang bruă mprăp mâo ngă leh djăp ênŭm ƀhĭ klĭ... Mâo bi leh êlâo kơ hrue bi kƀĭn. Klei bi kƀĭn tal anei dăp mmông ngă bruă năng ai srăng mkŏ mjing hlăm 17 hrue, ƀiădah srăng bi leh mơh jih djăp mta bruă čoh čuăn kơ klei mđĭ kyar lăn čar hlăm thŭn 2022, lehanăn kơ dŭm thŭn tinăp, rơ̆ng kơ klei êđăp ênang bruă răng mgang klei ruă tưp Covid 19. Hlăm klei bi kƀĭn Khua bruă kƀĭn ala mtă dưn yua jih hrue mmông trông čhai hlăm êpul, lehanăn hlăm sang bi kƀĭn, lŏ dơ̆ng mlih mrâo, jih jang hdră bi trông./.

Pô mblang: Y-Khem Niê