VOV4.Êđê - K’iăng khua knŭk kna Lê Văn Thành gĭt gai klei bi kƀĭn online kơ boh klei pŏk ngă bruă mkŏ mjing êlan dơ̆ng êran pral Dưr - Dhŭng nah Ngŏ wưng 2017-2020. K’iăng khua knŭk kna Lê Văn Thành lač, anei jing bruă phŭn mơ̆ng ala čar hlăm 5 thŭn kơ anăp, Phŭn bruă kđi čar gĭt gai brei mđing djăp klei găl kơ hdră bruă anei. K’iăng khua knŭk kna Lê Văn Thành brei thâo, dŭm klei dleh dlan, gun kpăk msĕ ênoh ênil, mnơ̆ng dhơ̆ng dưi hmao msir mgaih. K’iăng Khua knŭk kna mtă kơ dŭm Phŭn, alŭ wăl brei mtrŭt dŭm anôk bruă duh mkra djŏ tuôm mjêč mbĕ đuê̆ anôk bruă nah gŭ msĕ si êlan klei pui kmlă, êlan mđoh êa, êlan klei pui, êlan dăng kông. Hŏng dŭm mta bruă mprăp pŏk ngă, K’iăng Khua knŭk kna mtă kơ Phŭn bruă êlan klông dŭ mdiăng brei ruah phung duh bi liê êdah kdlưn kơ dŭm hdră bruă êdei anăp, ñĕ kơ klei gưl dlông tuh êyuh jih klei dưi ƀiădah amâo dưi ngă ôh hdră bruă.

H Zawut pô mblang