VOV4.Êđê- Tlam hruê 23/9, ti anôk bruă Phŭn bruă hŏng tač êngao, K’iăng khua phŭn bruă hŏng tač êngao Phạm Quang Hiệu nao leh ti Knăm tŭ mă ênoh đru truh 300.000 USD mâo Pô bi ala Ala mtao Oman ti Hà Nội, bi ala Knŭk kna lehanăn mnuih ƀuôn sang ala mtao Oman, ba jao kơ pô bi ala Dhar bruă mặt trận čar kwar gưl dlông Việt Nam đru kơ mnuih ƀuôn sang kwar Krah, ala čar Việt Nam hmăi mơ̆ng gưl adiê hjan êa lip hlăm wưng êgao. Blŭ hrăm ti knăm anei, bi ala Dhar bruă mặt trận čar kwar gưl dlông Việt Nam lač jăk klei đru mơ̆ng knŭk kna lehanăn mnuih ƀuôn sang Oman mbĭt anăn brei thâo srăng hnưm mkăp hdră đru kơ dŭm alŭ wăl ti kwar Krah kñăm đru mkra wĭt pưk sang kơ dŭm gŏ êsei hmăi mơ̆ng gưl adiê hjan êa lip đru kơ mnuih ƀuôn sang tinei pral lŏ bi h’ĭt klei hdĭp./.

                                                    Pô mblang: H’Nêč Êñuôl