VOV4.Êđê- Tui si knơ̆ng bruă mnuih mă bruă - kahan êka êkeh leh anăn yang ƀuôn ƀuôn prŏng Hồ Chí Minh, ară anei păt čiăng jih klei ngă bruă ti ƀuôn prŏng Hồ Chí Minh dôk čiăng mnuih mă bruă. Hlăm anăn, mâo đa đa mta bruă mâo klei čiăng mnuih mă bruă lu msĕ si bruă mnia mblei čiăng kơ 7.200 čô mă bruă, bruă logistics, hjiê, wăl tač čiăng kơ giăm 4.800 čô mnuih mă bruă, bruă tĭng mkă čiăng kơ êbeh 3.000 čô, anôk bruă hiu čhưn ênguê, mdei msăn, huă mnăm čiăng kơ giăm 2000 čô, bruă mkŏ mkra čiăng kơ êbeh 1.600 čô, bruă mă hŏng kdrăp masin čiăng kơ 1.400,marketing čiăng mâo êbeh 1.200 čô mnuih mă bruă…

Bi kơ klei đru tal 3, Nguyễn Văn Lâm, khua kiă kriê knơ̆ng bruă mnuih mă bruă - kahan êka êkeh leh anăn yang ƀuôn ƀuôn prŏng Hồ Chí Minh, brei thâo, truh kơ ară anei ƀuôn prŏng duh bi liê kơ êbeh 3 êbâo 700 êklăk čô mnuih ƀuôn sang leh anăn ênoh anei đĭ hluê găp hruê. Anôk bruă bi klă truh kơ hruê 15/10 srăng bu leh gưl đru tal 3 anei.

Pô mblang: Y-Ƀel Êban