VOV4.Êđê - Hgŭm kngan gang mkhư̆ klei ruă tưp lehanăn đru gui klei dleh dlan hŏng mnuih ƀuôn sang, hlăm wưng êgao, Anôk bruă pui kmlă Dak Nông mtrŭn leh ênoh tĭng tla pui kmlă, bi hrŏ ênoh tla pui kmlă kơ mnuih hmăi djŏ mơ̆ng klei ruă Covid 19 hŏng ênoh jih jang giăm 1 êklai 400 êklăk prăk.

Anôk bruă ăt pŏk lu hdră mđing truh kơ êpul êya, msĕ si đru mguôp kơ Keh vaccine 200 êklăk prăk, mđup brei kdrăp mnơ̆ng yua hlăm bruă mdrao mgŭn kơ dŭm êpul bruă mdrao mgŭn, anôk ksiêm dlăng klei ruă tưp, ktir kbăng êa kơ Sang hră gưl sa Nguyễn Bá Ngọc…

Dưi thâo, ênoh prăk mâo PC Dak Nông mkŏ mjing dŭm hdră đru kơ yang ƀuôn, đru kơ mnuih ƀuôn sang hlăm wưng êgao êbeh 500 êklăk prăk./.

H Nêč pô mblang