VOV4.Êđê - Hruê 9/11, Phŭn bruă kahan ksiêm mkŏ mjing knăm mđing truh Hruê Hdră bhiăn Knŭk kna ala čar yang ƀuôn ngă phŭn Việt Nam. Đại tướng Tô Lâm,  Khua hlăm phŭn bruă kđi čar, Khua phŭn bruă kahan ksiêm blŭ hrăm hlăm anôk bi kƀĭn, lač klă: Hruê Hdră bhiăn Knŭk kna ala čar yang ƀuôn ngă phŭn Việt Nam mâo Kahan ksiêm dŭm anôk bruă, alŭ wăl mđing truh, hluê ngă jăk, mâo klei bhiăn hŏng bruă ngă klă klơ̆ng, mbruă, djŏ guôp hŏng klei găl, boh klei sĭt, mơ̆ng lăn čar, lar bra bi ktang, đru mđĭ klei thâo săng bruă klam, ai tiê mpŭ kơ hdră bhiăn mơ̆ng grăp čô mnuih ƀuôn sang, hlăm anăn mâo phung knuă druh, kahan ksiêm yang ƀuôn.  Khua phŭn bruă Tô Lâm mtă kơ Khua kahan ksiêm dŭm anôk bruă, alŭ wăl ngă jăk hĭn bruă ktuê dlăng, ksiêm dlăng boh klei hluê ngă hdră bhiăn, mtô bi hriăm hdră bhiăn, hluê ngă klei bhiăn êngiê, kriê dlăng kơ klei đŭ bi kmhal ngă soh hră mơar dưi hluê ngă nanao, mâo klei tŭ dưn./.

H Zawut pô mblang