VOV4.Êđê - Thượng tướng Hoàng Xuân Chiến, K’iăng Khua Phŭn bruă lĭng kahan mrâo ngă klei mđup brei bi hmô kơ Khua bi ala ala čar Lao ti Việt Nam Sengphet Houngboungnuang dŭm ênoh kdrăp mdrao mgŭn gang mkhư̆ klei ruă tưp mâo ênoh êbeh 5 êklai 2 êtuh êklăk prăk mơ̆ng Phŭn bruă  lĭng kahan Việt Nam mđup brei kơ  Phŭn bruă lĭng kahan Lao.

Thượng tướng Hoàng Xuân Chiến  brei thâo, Phŭn bruă lĭng kahan Việt Nam gĭt gai dŭm Krĭng kahan, Anôk bruă gĭt gai lĭng kahan, Anôk bruă gĭt gai lĭng kahan knông lăn dŭm čar mâo êlan knông lăn mbĭt hŏng Lao hlăm klei dưi pô srăng đru tơdah Lao mâo klei čiăng. Khua bi ala Sengphet Houngboungnuang mñă klă leh klei ruă Covid-19 bluh mâo ti Lao, Việt Nam jing ala čar tal êlâo đru kơ Lao wăt kdrăp mdrao mgŭn leh anăn phung thơ̆ng kơ bruă hlăm boh klei Việt Nam ăt dôk mdrơ̆ng hŏng klei ruă tưp, hlăm anăn mâo Êpul lĭng kahan yang ƀuôn Việt Nam đru leh hŏng jih ai tiê, mjêč leh anăn pral.

H Zawut pô mblang