VOV4.Êđê- Aguah hruê 19/9, Phŭn bruă mdrao mgŭn klă klơ̆ng hưn mthâo kơ bruă Êpul hgŭm bi mklă mơ̆ng ala čar hlăm bruă ksiêm dlăng hdră mdrao mgŭn kơ boh tŭ lông ba yua wưng tal 3 vaccine Nanocovax, mbĭt anăn brei thâo, vaccine anei êđăp ênang lehanăn dưi mjing ai bi kdơ̆ng hŏng klei ruă ƀiădah ka mâo klei bi mklă djăp ênŭm čiăng tĭng dlăng boh tŭ răng mgang. Hluê anăn Êpul hgŭm bi mklă mơ̆ng ala čar hlăm bruă ksiêm dlăng hdră mdrao mgŭn mkŏ mjing leh Klei bi kƀĭn tĭng dlăng boh tŭ wưng lông ba yua tal 3 vaccine Nanocovax tĭng truh kơ hruê 2/9/2021. Kơ boh tŭ răng mgang (klei yuô9m bhăn hĭn mơ̆ng vaccine), truh kơ ară anei, ka mâo djăp klei bi mklă kluôm dhuôm ôh kơ boh tŭ vaccine Nanocovax hluê hŏng ênoh mnuih mnuih ruă Covid 19 mâo ksiêm dlăng, brei lŏ dơ̆ng tĭng dlăng kơ boh tŭ răng mgang kñăm mâo klei bi mklă kluôm ênŭm./.

Pô mblang: H’Nêč Êñuôl