VOV4.Êđê- Tui si klei mtă mơ̆ng phŭn bruă mdrao mgŭn, ară anei phung hđeh ti gŭ 18 thŭn ka dưi tlŏ mgang ôh vaccine gang mkhư̆ klei ruă tưp Covid-19. Kyua anăn, tơdah amâo mâo bruă mjêč, amĭ ama, phung khua asei hlăm sang amâo brei phung hđeh kƀiă hiu ôh. djŏ tuôm hŏng klei êbat hiu phung hđeh êjai đa đa ƀuôn prŏng lŏ pŏk ƀăng. Tơdah mâo bruă mjêč êdi, hđeh kơ gŭ 18 thŭn srăng ngă djŏ 5 klei mtă mơ̆ng phŭn bruă mdrao mgŭn. Bi kơ bruă tlŏ mgang vaccine kơ phung hđeh, phŭn bruă mdrao mgŭn mâo leh klei mtô kơ bruă tlŏ mgang phung hđeh mơ̆ng 5 truh kơ 17 thŭn. Êlâo anăn, hlăm klei kƀĭn bruă klei mrâo grăp tuôr mơ̆ng knŭk kna, k’iăng khua phŭn bruă mdrao mgŭn Đỗ Xuân Tuyên brei thâo gĭt gai leh kơ anôk bruă mkăp kơ klei mdrao mgŭn leh anăn êpul hgŭm vaccine ala čar ksiêm duah, phŭn kčưm tŭ ư dlăng kơ ya mta vaccine čiăng tlŏ kơ phung hđeh ti gŭ 18 thŭn. Bruă anei dôk guôn klei wĭt lač mơ̆ng phung ngă bruă kreh knhâo leh anăn anôk bruă thơ̆ng kơ bruă čiăng ba mdah hlăm hruê mmông hnưm hĭn./.

Pô mblang: Y-Ƀel Êban