VOV4.Êđê- Phŭn bruă mnuih mă bruă, kahan êka êkeh leh anăn yang ƀuôn mrâo mâo hră mơĭt kơ bruă sang čư̆ êa dŭm čar, ƀuôn prŏng gưl dlông kơ bruă mkŏ mjing hdră êlan rông ba phung hđeh êrĭt êrin kyua klei ruă tưp Covid-19. Ară anei, ƀuôn prŏng Hồ Chí Minh leh anăn dŭm čar, ƀuôn prŏng mâo êbeh leh 1000 čô hđeh lĕ hlăm klei êrĭt êrin. Čiăng hmao răng kriê, rông ba, bi hrŏ klei ênguôt hnĭng mơ̆ng phung adei, dhar bruă ala čar kơ phung hđeh leh anăn Phŭn bruă mnuih mă bruă, kahan êka êkeh leh anăn yang ƀuôn mtă kơ bruă sang čư̆ êa dŭm čar, ƀuôn prŏng gưl dlông gĭt gai, cih yap ênoh, anăn, si ngă phung hđeh anăn ară anei, klei čăng hmăng mơ̆ng diñu leh anăn pô krơ̆ng kơ diñu čiăng mâo dŭm hdră êlan djŏ, hdră êlan đru, hdră mơ̆ng alŭ wăl bruă răng kriê, rông ba ti anăp leh anăn truh kơ êdei dih hŏng phung hđeh anei hlăm dŭm čar, ƀuôn prŏng mâo ênoh hđeh êrĭt êrin kyua klei ruă tưp Covid-19.

Pô mblang: Y-Ƀel Êban