VOV4.Êđê- Lŏ dơ̆ng brei klei blŭ kơ dŭm boh phŭn hlăm klei bi kƀĭn tal 2, bruă kƀĭn ala gưl 15, hruê 25/10 bi trông hlăm êpul, brei klei blŭ mguôp kơ hră čih hdră bhiăn mnia blei hră ênua (mkra mlih), Êpul bi ala bruă kƀĭn ala čar Dak Lak bi tŭ ư kơ bruă mkra mlih hdră bhiăn hră ênua leh anăn hưn mdah ksiêm dlăng mơ̆ng Êpul bruă duh mkra. Mbĭt anăn, mbŏ dŭm klei blŭ kơ boh phŭn anei.

Êpul bi ala bruă kƀĭn ala čar Dak Lak lač, bruă mkra mlih Hdră bhiăn mnia blei hră ênua jing čiăng êdi čiăng răng mgang klei dưi leh anăn klei tŭ dưn djŏ hdră bhiăn hlăm êpul bruă, phung blei hră ênua, mđĭ ktang bruă mnia blei hră ênua; đru mđĭ kyar leh anăn mđĭ lar klei đĭ kyar hơĭt kjăp mơ̆ng bruă duh mkra- ala ƀuôn, hơ̆it kjăp klei hdĭp yang ƀuôn, hyă kjăp klei tŭ dưn kriê dlăng knŭk kna hŏng bruă mnia blei hră ênua. Khădah, lu hdră êlan mnia blei hră ênua brei mâo hdră kčah klă klơ̆ng, klă mngač hĭn.

Pô mblang: H’Zawut Ƀuôn Yă