VOV4.Êđê- Leh hmư̆ lu al wăl bi êdu asăp bi ktlah, mnuih ƀuôn sang dŭm čar hlăk dôk mă bruă ti Bình Dương ba kdrăp mnơ̆ng wĭt kơ ƀuôn sang. Khă dah, khua gĭt gai čar Bình Dương brei thâo, ară anei ka dưi brei mnuih ƀuôn sang čŏng êrô êbat mlir čar ôh. Kơ bruă mnuih ƀuôn sang găn êrô, khua gĭt gai čar Bình Dương brei thâo, alŭ wăl ka brei čŏng kbiă mơ̆ng čar ôh. Hŏng phung khua thŭn, hđeh điêt, mniê ba tian, phung dleh dlan dưi mjing klei găl wĭt kơ ƀuôn sang ƀiădah brei mâo klei bi hgŭm plah wah 2 alŭ wăl leh anăn hluê djŏ si hdră mtrŭn gang mkhư̆ klei ruă Covdi-19. Bi hŏng bruă găn êrô hlăm krĭng ka mâo mnuih ruă, knŏng phung dưi tlŏ leh ƀiă êdi 1 aruăt vaccin leh 14 hruê, F0 hlao klei ruă jih wưng bi ktlah hjăn ti sang kơh dưi kbiă hlăm ktuê êlan, mkhư̆ jih hnơ̆ng phung khua thŭn, phung mâo klei ruă êlâo leh leh anăn hđeh điêt găn êrô. Hŏng phung mă bruă brei mâo hră bi mklă mă bruă.

Pô mblang: H’Zawut Ƀuôn Yă