VOV4.Êđê- Čar Daklak ară anei mâo êbeh 10 êbâo phung duh mkra hlăk dôk ngă bruă, lu jing phung duh mkra man dưn lehanăn điêt. Kñăm đru kơ phung duh mkra, čar Daklak mâo leh hdră mtrŭn klei bi mlih mơ̆ng ară anei hlŏng truh kơ thŭn 2025, tă êlan hlŏng truh kơ thŭn 2030. Čar čoh čuăn truh ti thŭn 2025 mâo hlăm brô 60% phung duh mkra man dưn lehanăn điêt bi duh mkra mnia mblei hlăm điện tử, bruă anei đĭ nanao grăp thŭn 10%. Čiăng dưi djăp ênoh čuăn anei, čar Daklak tĭng bi liê êbeh 1 êklai 800 êklăk prăk hlăm 5 thŭn kơ bruă mlih mrâo, lehanăn mđĭ kyar bruă mnia mblei hŏng điện tử.

Hlăm anăn mlih mrâo hdră duh mkra mđĭ kyar klei bi mnia mblei điện tử rơ̆ng bi mâo djăp mnơ̆ng, dơ̆ng mơ̆ng bruă lŏ hma, bruă hiu čhưn ênguê, mnia mblei online. Duh tal êlâo hĭn kơ bruă lŏ hma; bruă mjuăt bi hriăm; bruă mdrao mgŭn, bruă êlan klông dŭ mdiăng, lehanăn logicstics, bruă tuh tia, lehanăn bruă pui kmlă, bruă mă mnơ̆ng hlăm gŭ lăn lehanăn bruă răng mgang wăl hdĭp mda, bruă ngăn prăk knơ̆ng prăk lehanăn hiu čhưn ênguê./.

Pô mblang: Y-Khem Niê