VOV4.Êđê- Hrue mbrue (13/9), Dhar bruă gĭt gai Bruă kƀĭn ala pŏk leh klei bi kƀĭn tal 3 lehanăn tĭng srăng mkŏ mjing truh kơ hrue 22/9. Blŭ pŏk klei bi kƀĭn, Khua bruă kƀĭn ala Vương Đình Huệ brei thâo, ti anôk bi kƀĭn anei, Dhar bruă gĭt gai Bruă kƀĭn ala srăng ksiêm dlăng lehanăn mă klei blŭ kơ dŭm bruă yuôm bhăn ba mdah kơ anôk bi kƀĭn bruă kƀĭn ala tal dua, lehanăn ksiêm dlăng kơ dŭm bruă dôk hlăm klei dưi mơ̆ng Dhar bruă hgĭt gai Bruă kƀĭn ala, mâo 5 êpul bruă phŭn.

Ăt ti anôk bi kƀĭn anei, Dhar bruă gĭt gai bruă kƀĭn ala mă klei blŭ kơ klei čih mkra hdră mtrŭn klei bi hmô ba yua dŭm klei bhiăn, hdră êlan hjăn kơ kle imđĭ kyar čar Thanh Hoá; ksiêm dlăng, bi mklă bruă mkŏ mjing ƀuôn prŏng Từ Sơn, čar Bắc Ninh; ksiêm dlăng, bi mklă kơ dŭm bruă amâo mâo rĭng lehanăn bi hrŏ jia, kñăm đru phung duh mkra, phung ƀuôn sang hmăi amâo mâo jăk mơ̆ng klei ruă tưp Covid 19; mă klei blŭ kơ dŭm bruă čiăng bi mâo djăp êa, lehanăn klei êđăp ênang kơ dŭm knơ̆ng kdơ̆ng êa, ênao mgơ̆ng êa wưng thŭn 2021 – 2030, tă hdră hlŏng truh kơ thŭn 2045./.

Pô mblang: Y-Khem Niê