VOV4.Êđê- Êpul hiu mkra êlan klei pui kmlă, hlăm knơ̆ng bruă pui kmlă Daknông mrâo mkra wĭt êlan klei pui kmlă 22 Kv dôk ba pui kơ kdriêk Čư̆ Jŭt, hŏng klei pral ruh mgaih jih klei amâo mâo jăk truh. Msĕ si, ti gơ̆ng pui C53 dôk hlăm grông klei pui ĐD481CJU lehanăn ĐD477CJU, Anôk bruă pui kmlă Čư̆ Jŭt ƀuh anôk mkŏ êlanklei pui amâo mâo hơĭt, anăp ba klei amâo mâo jăk hŏng mnuih yua pui, lehanăn jih jang kdrăp bi êran pui hŏng pil yang hrue mkŏ dưm dlông čuôr găp.

Leh hmư̆ hưn klei anei, Êpul mkra mjêč truh mtam mtlaih hĕ anôk mkŏ mjêč hotline anăn, lŏ hyua anôk mkŏ hŏng êlan klei pui kmlă man dưn, lehanăn hyuă anôk mkŏ FCO. Leh giăm 3h dôk mă bruă hlăm êlan klei pui kmlă 22Kv, êpul mkra pui dưi bi leh lehanăn bi êran pui hŏng klei êđăp ênang nanao, amâo lŏ mâo ôh klei jhat, lehanăn hơĭt kơ bruă mkăp pui kmlă, lehanăn bruă bi êran pui kmlă hŏng pil yang hrue ti dlông čuôr găp./.

Pô mblang: Y-Khem Niê