VOV4.Êđê- Hrue mbrue (5/10), blŭ hrăm ti anôk bi kƀĭn tal 4 Êpul Khua kiă kriê Bruă Đảng gưl dlông gưl 13, Khua gĭt gai Đảng Nguyễn Phú Trọng mñă leh kơ dŭm bruă duh mkra ala ƀuôn thŭn 2021 – 2022. Mơ̆ng anăn brei ƀuh, anei jing klei mtă prŏng mơ̆ng Đảng lehanăn knŭk kna lŏ dơ̆ng mâo ênoh čuăn bi dưi msưh kdŭn klei ruă tưp, krơ̆ng kjăp kơ klei duh ƀơ̆ng, klei suaih pral kơ phung ƀuôn sang, mbĭt hŏng anăn jing bi mâo hdră lŏ kơrŭ wĭt bruă duh mkra hlăm dŭm mlan adôk hlăm thŭn, lehanăn mâo hdră mă bruă kơ thŭn ti anăp.

Hŏng klei kiă kriê kjăp, kle imñĕ mâo lu hdră êlan djŏ hŏng grăp anôk mdê mdê, tui si klei Đảng, knŭk kna mkă tĭng êjai dôk găn hlăm klei ruă tưp anei. Snăn hlăm 9 mlan êgao, bruă duh mkra mnia mblei ăt dưi krơ̆ng kjăp. Mâo leh đa đa klei hlăk dơ̆ng brưih đĭ truh 7,17% klei brei čan prăk, đru leh jăk kơ bruă mđĭ kyar klei duh mkra 9 mlan 2021. Hŏng ênoh jih jang mâo iêo mkrum duh ngăn kơ bruă duh mkra đĭ truh 12%./.

Pô mblang: Y-Ƀel Êban