VOV4.Êđê- Anôk mkŏ mjing Gưl dlông mrâo mkŏ mjing Klei bi kƀĭn online ti 70 anôk mkŏ kñăm lač kơ bruă mkŏ mjing Đảng gưl 3 leh anăn pŏk ngă bruă klam dŭm mlan knhal jih thŭn. Gĭt gai klei bi kƀĭn, Khua hlăm Phŭn bruă kđi čar, Khua hlăm bruă Đảng gưl dlông, khua Dhar bruă mkŏ mjing gưl dlông Trương Thị Mai mtă hlăm wưng kơ anăp brei mđĭ ktang bruă mtrŭt mjhar phung knuă druh mâo klei mĭn mrâo, mbruă, jhŏng mĭn, jhŏng ngă kyua klei tŭ dưn. Trương Thị Mai ăt mñă klă  bruă mđĭ ktang bruă ksiêm dlăng, ktuê dlăng kơ hdră mkŏ mjing Đảng mơ̆ng dŭm gưl bruă Đảng, êpul bruă Đảng dŭm gưl, hmaŏ thâo ƀuh, mbŏ, bi mni, bi lar dŭm phung êdah kdlưn, mnuih jăk bruă jăk, hdră ngă mbruă, gru hmô mrâo, mbruă hlăm hdră mkŏ mjing Đảng. Khua Dhar bruă mkŏ mjing Gưl dlông mtă kčĕ hmao hluê ngă bruă mnuih mă bruă, rơ̆ng djŏ klei bhiăn, klei dưi, hdră kčah mtrŭn. Mkŏ mjing Hdră kčah leh anăn bi leh klei ksiêm dlăng hnơ̆ng hŏng êpul bruă Đảng, đảng viên leh anăn êpul lu, phung knuă druh gĭt gai, kriê dlăng dŭm gưl thŭn 2021.

Pô mblang: H’Zawut Ƀuôn Yă