VOV4.Êđê- Hluê ngă Klei kuôl kă hgŭm bruă plah wah Anôk bruă kƀĭn ala Việt Nam lehanăn Anôk bruă kƀĭn ala Lao, aguah anei, ti Sang bruă kƀĭn ala, Dhar bruă Kreh knhâo, kdrăp mrâo lehanăn Wăl hdĭp mda mơ̆ng anôk bruă kƀĭn ala Việt Nam bi hgŭm hŏng Dhar bruă hŏng tač êngao mơ̆ng anôk bruă kƀĭn ala Lao mkŏ mjing leh Klei bi kƀĭn online bi trông klei thâo hlăm bruă čih mkra Hdră bhiăn tĭng mkă lehanăn Hla kak lăn. Khua kiă kriê Dhar bruă hŏng tač êngao mơ̆ng anôk bruă kƀĭn ala Lao Sanya Praserth lač klă, Hdră bhiăn tĭng mkă lehanăn Hră kak lăn dôk čih mkra, tĭng srăng ba mdah kơ Anôk bruă kƀĭn ala Lao gưl 9 ksiêm dlăng ti Klei bi kƀĭn tal dua, kñăm bi mklă klei bhiăn, hdră mtrŭn, hdră msir kriê dlăng, ksiêm dlăng hdră tĭng mkăn, hră kak lăn dưi hluê ngă mđrăm mbĭt, djŏ klă, mrâo mrang, ñŭ kma hŏng tar rŏng lăn. Khua kiă kriê Dhar bruă hŏng tač êngao mơ̆ng Anôk bruă kƀĭn ala Lao čang hmăng dưi tŭ mă dŭm klei blŭ đru mguôp mơ̆ng dŭm klei thâo ngă bruă lehanăn ba yua dŭm klei thâo ngă bruă mơ̆ng ala čar tar rŏng lăn hlăm bruă čih mkra, hluê ngă Hdră bhiăn tĭng mkă lehanăn Hla kak lăn mơ̆ng Anôk bruă kƀĭn ala Việt Nam./.

Pô mblang: H’Nêč Êñuôl