VOV4.Êđê- Klei bi kƀĭn kreh knhâo hŏng akŏ “100 thŭn đĭ kyar Đảng Cộng sản Trung Quốc - bi trông klei thâo kơ klei mkŏ mjing Đảng leh anăn gĭt gai đĭ kyar lăn čar plah wah Đảng Cộng sản Việt Nam leh anăn Đảng Cộng sản Trung Quốc” mrâo mkŏ mjing hluê hdră tlă anăp leh anăn online hŏng 10 anôk mkŏ ti Việt Nam leh anăn Trung Quốc. Bi ala kơ Đảng Cộng sản Trung Quốc,  Trần Hy - Khua phŭn bruă kđi čar, Khua hlăm Anôk dlăng bruă Đảng, Khua Anôk bruă mkŏ mjing gưl dlông, Khua sang hră bruă Đảng gưl dlông Đảng Cộng sản Trung Quốc bi mklă klei tŭ dưn prŏng leh anăn klei thâo leh 100 thŭn mkŏ mjing leh anăn mđĭ kyar Đảng Cộng sản Trung Quốc.

 Bi ala kơ Đảng Cộng sản Việt Nam,  Nguyễn Xuân Thắng - Khua hlăm phŭn bruă kđi čar, Khua Sang hră kđi čar ala čar Hồ Chí Minh, Khua Êpul hgŭm hlak mblang gưl dlông bi mklă: Việt Nam kjăp ktang hluê ngă hdră kñăm êngiê leh anăn yang ƀuôn ngă phŭn. Đảng Cộng sản Việt Nam amâo dei mbruă, bi êlam hĭn dŭm hdră bhiăn mă bruă, mdê hjăn, hdră mkŏ mjing leh anăn bi leh gru hmô yang ƀuôn ngă phŭn Việt Nam hŏng 3 mta phŭn jing : bruă duh mkra tă hdră yang ƀuôn ngă phŭn, Knŭk kna mâo klei dưi yang ƀuôn ngă phŭn leh anăn klei êngiê yang ƀuôn ngă phŭn.

Pô mblang: H’Zawut Ƀuôn Yă