VOV4.Êđê - Aguah hruê 8/9, ti Anôk bruă Đảng gưl dlông, Võ Văn Thưởng, Khua anôk bruă gĭt gai gưl dlông kơ bruă kriê dlăng ênoh mnuih mă bruă gĭt gai leh Klei bi kƀĭn tal sa mŏng Anôk bruă gĭt gai. Ti anôk bi kƀĭn, Anôk gĭt gai brei leh klei blŭ hlăm klei čih mkra: Hưn mdah boh tŭ hdră mă bruă lehanăn hdră êlan, bruă klam ngă bruă wưng thŭn 2021 – 2026; Hdră kčah mă bruă, Klei bhiăn mă bruă mơ̆ng Anôk bruă gĭt gai wưng thŭn 2021-2026; Kčah mtrŭn kơ bruă kriê dlăng ênoh mnuih mă bruă mơ̆ng anôk bruă kđi čar; Hdră kčah ksiêm dlăng bruă hluê ngă hdră kriê dlăng ênoh mnuih mă bruă mguôp hŏng bruă mă wưng thŭn 2016-2021 lehanăn hưn mdah ênoh mnuih mă bruă mguôp hŏng bruă mă wưng thŭn 2021-2026; Klei hưn boh tŭ Hdră bi mklă bruă mă... Hluê si klei hưn mdah, tĭng truh hruê 31/12/2019, kluôm ala dưi bi leh mta kñăm bi hrŏ ênoh mnuih mă bruă mâo kčah mtrŭn, ênoh mnuih dưi dưn prăk mlan lehanăn mâo klei đru mơ̆ng ngăn prăk knŭk kna hrŏ 541.890 čô (14,93%) mkă hŏng wưng hruê 30/4/2015./.

H Nêc pô mblang