VOV4.Êđê - Hŏng akŏ “Boh phŭn- bruă klam - kjăp ktang - bi hmô - mbruă”, knăm mphŭn pŏk thŭn hriăm mrâo 2021-2022 mơ̆ng Sang hră kđi čar ala čar Hồ Chí Minh mkŏ mjing leh hluê hdră online hlăm aguah 9-9, ti Hà Nội. Blŭ hrăm hŏng knuă druh, nai mtô, hđeh sang hră tinei, Võ Văn Thưởng, Khua hlăm Phŭn bruă kđi čar, Khua Anôk bruă Đảng mtă brei jih hnơ̆ng bi kdơ̆ng hŏng klei mĭn hriăm knŏng kyua hră bi mklă, bi djăp klei găl čiăng mđĭ bruă, prăk mlan, dưi pia jing khua gĭt gai. Thŭn hriăm 2021-2022 Sang hră kƀĭn mkŏ mjing bruă mtô bi hriăm, mbŏ hluê hdră online. Mđing mkŏ mjing bruă mtô bi hriăm hluê hdră online. Mđing kơ dŭm hdră mtô bi hriăm gưl dlông bruă kđi čar, dŭm hdră, hră mơar hriăm dŭm adŭ hriăm mbŏ bruă knuă… Mbĭt anăn, mđĭ ktang hnơ̆ng mkŏ mjing leh anăn pŏk ngă tŭ dưn dŭm hdră mtô bi hriăm nai mtô hlak mblang kđi čar, kñăm pral mâo phung bi hriăm mâo hnơ̆ng thâo.

H Zawut pô mblang