VOV4.Jarai-Prăp lui kơ bruă ngă yang thun phrâo ƀong têt Qúy Mão thun 2023, anom bruă ia jrao Dak Lak hơmâo pơhlôm hlâo djop tơlơi gêh găl bruă pơkă lăng, pơjrao duam ruă kơ mơnuih ƀôn sang.

VOV4.Jarai – Phrâo anai, ƀơi Hà Nội, Khul jar kơmar kơ pơgang dlai tlô lăi pơthâo bruă lăi pơhing pơplih bruă blơi sĭ añăm hlô dlai, lăi rơđah truh 2 tơlơi pơhuĭ truh anun lĕ: bŏng glăi tơlơi ƀu bưng gah tơlơi suaih pral mơnuih mơnam hăng tơlơi ƀu bưng hmâo ayuh hyiăng ƀu klă ngă. Bruă dưi ngă tui ƀơi 3 bôh dêh čar lĕ: Việt Nam, Lao hăng Kur.

VOV4.Jarai-Tuh pơ alin kơ bruă kiăng mơnuih ƀôn sang thâo hluh kơ bruă pơgang tơlơi suaih pral  đah kơmơi pi kian jing tuh pơ alin kơ bruă djru pơgang tơlơi suaih pral abih bang mơnuih mơnam hăng djru pơgang ba bruă kơñ pơgi ni anăp hơđong kjăp.

VOV4.Jarai – Pơčrang lăng, pơjrao tañ kơ đah kơmơi pikian ƀă HIV hmâo bôh tŭ yua yôm phăn biă amăng bruă pơgang tơlơi suaih pral mơng rơnuk pơgi kơdih. Gơnang kơ hmâo bruă pơhlôm hlâo lar tưp HIV mơng amĭ truh kơ ană mơ̆ lu thun hăng anai, tơring čar Daklak hmâo hrŏ trun tơlơi čơđai tơkeng rai ƀă HIV yua tưp mơng amĭ.

VOV4.Jarai-Lơ 15/12, Jơnum min mơnuih ƀôn sang tơring čar Gia Lai jơnum pơčrông sai hăng ĕp hơdră pơsir tơlơi tơnap kơƀah ia jrao, kơƀah prăk mă bruă.

VOV4.Jarai - Bơwih brơi tơlơi suaih pral kơ ƀing amĭ hăng čơđai nge mơng pi kian truh hrơi tơkeng, rông ană nge lĕ kiăng thâo hăng đing nao. Samơ̆, ƀơi hơdôm kual ataih, djuai ania ƀiă, tơlơi hơdip tơnap ăt lu mơnuih aka ƀu thâo kơ bruă pơhlôm brơi tơlơi suaih pral kơ ƀing amĭ hăng čơđai nge ngă kơ lu đah kơmơi djai tơkeng, ƀing čơđai ƀu-ai buai.

VOV4.Jarai – Lu thun rơgao, khă hơdôm gưl gong gai hmâo ngă laih lu bruă, samơ̆ tơlơi pơdô̆ rơkơi bơnai mơng muai ăt dô̆ mơn ƀơi kual neh wa djuai ania ƀiă ƀơi tơring glông Dak Glong, tơring čar Daknông. Tơlơi anai hmâo pioh glăi laih hơdôm anô̆ ƀu klă sui thun kơ ƀing čơđai, sang anô̆ hăng wot abih bang mơnuih mơnam.

VOV4.Jarai - Hơdôm thun rơgao, Ping gah, Kơnuk kơna hơmâo tơlơi pơtrun hăng lu hơdră bruă bơwih brơi tơlơi suaih pral kơ mơnuih djuai ania ƀiă. Yua anun, ƀơi hơdôm tơring čar kual ataih, kual djuai ania ƀiă bruă pơkra ming hăng pơgiong anom ia jrao djơ̆ hăng tơlơi kiăng khăm pơjrao brơi mơnuih duam ruă hăng bơwih brơi tơlơi suaih pral blung hlâo.

VOV4.Jarai – Ră anai, tơlơi ruă bơbrŭ asar glăk jai hrơi kơtang tui amăng mơnuih mơnam hăng mrô mơnuih djai hmâo giăm truh 70% amăng mrô mơnuih hmâo tơlơi ruă hăng hmâo jơlan gah mơnuih ruă lĕ hlăk ai lu. Yua anun, kiăng pơgang hlôm hlâo tơlơi ruă hăng thâo tañ, mơnuih ƀôn sang khom ngă hơdư̆ hĭ gru than ñu ba truh tơlơi ruă.

VOV4.Jarai – Amăng hơdôm thun rơgao, gơnang kơ ngă klă bruă lăi pơhing, pơsur anun tơlơi pơmin mơng mơnuih ƀôn sang ƀơi Daknông kơ bruă tlâ̆o jrao pơgang hlôm hlâo pơhư prong dưi pơđĭ tui rơđah. Neh wa djop djuai ania ƀơi Daknông thâo laih ba ană nao tlâ̆o jrao pơgang hlôm hlâo djop djel, pơgang bĕ hơdôm tơlơi ruă lar tưp.