Lơh jat jơnau lơh nền bơh Ƀộ Cíñ trị dê bè lơh ală hìu bơsram ai ală sàh tiah nhàr lơgar in, tàm nam do, càr Dăk Lăk rơp sơn đờm lơh 3 rơndap broă lơh hìu bơsram ơm sa bic tơn ală kâp mờ kờp jơh priă bơcri lơh rlau 390 tơmàn đong. Ală hìu bơsram do geh lơh tàm 3 sàh tiah nhàr lơgar là Ia Lốp, Ia Rvê mờ Buôn Đôn mờ geh sơn đờm lơh dơ̆ lĕ bal bơh ngai 02/11 tus.

Ƀí thư Tỉñ ủy càr ồng Lương Nguyễn Minh Triết đơs là, Ia Lốp là  dùl tàm 7 sàh ờ tơmut bal bơh càr dê, geh bơta is ồn là tiah nhàr lơgar den tàng ờ mìng geh bơta ƀuơn mờ gam pal kong mờ uă bơta lòng tài ù tiah dờng ơnàng, làng bol ơm kis rah rài, khà hìu bơnhă rƀah mờ ndrờm bè cau rƀah gam uă. Ƀí thư Tỉñ ủy càr sồr sàh đal git loh bơta pràn, bơsong bơta ờ niam, tam gơl pa bồ tơngoh kơlôi sơnơng nàng bơtàu tơnguh kơljap sùm tàm tŭ tơngai pa.