Tàm pơrjum, ală cau dong kờl neh jào priă dong kờl lơh 1 rơbô 200 nơm hìu ai hìu rơƀah, kal ke bè hìu ơm tàm càr Sóc Trăng in, tơl nơm hìu geh dong kờl lơh 50 tơlăk đong lơh bơnah lơh kơlik mờ rơkàng hìu. Ƀộ Kwang àng kung jào Kụk sền gàr bơta lơngăp lơngai lơh sa bal mờ Kwang àng càr Sóc Trăng đơng lam, pơgồp bal nền nòn mờ gơnoar atbồ ƀòn lơgar nàng lơh gơs 1 rơbô 200 nơm hìu lài mờ ngai 02 nhai 09 nam 2023.

Di tơnkah 78 nam ngai Sơn tờm dà lơgar ngai 02 nhai 09 geh tơn jơh, jào hìu ai ală hìu làng bol gơtìp kal ke tàm càr do in. 5 nam do, càr Sóc Trăng neh lam sồr mờ lơh geh 5 rơbô 200 nơm hìu ai cau geh màng mờ dà lơgar, hìu rơƀah kờñ mhar bè hìu ơm in. Mơya, gùt càr kung gam rơlao 15 rơbô hìu rơƀah, rơlao 26 rơbô hìu ndrờm mờ rơƀah; tàm hơ̆ uă ngan geh mờr 7 rơbô hìu kal ke bè hìu ơm.