Do là broă lơh wèt tus Nhai lơh broă tài kơnòm dềt nam 2023 mờ tơngume “Sơm bat tê bal tơrmù ƀà bơta aniai tàm kơnòm dềt”. Tơngai pa do, Đảng, Dà lơgar Việt Nam mờ jơh bal ală anih lơh broă cíñ trị neh mut lơh bal pràn kơl dang nàng sền gàr niam ngan rlau tai ai kơnòm dềt tàm internet.

Ală adat boh lam bè sền gàr kơnòm dềt tàm internet neh geh lơgar Việt Nam sền gròi bơt bơtàu, lơh geh ală adat boh lam kwơ màng, bè: Adat kơnòm dềt, Adat lơngap lơngai jơnau yal tàm internet, Adat gĭt mờ jơnau yal tơngĭt.  Cíñ phủ, Thủ tướng Cíñ phủ neh ai lơh jat bàr pe sră nggal kwơ màng nàng kờñ sền gàr kơnòm dềt tàm internet. Tàm hơ̆, Thủ tướng Cíñ phủ neh ring bal Broă lơh lơh broă dà lơgar tài kơnòm dềt tơngai bơh nam 2021-2030; mờ Broă lơh “Sền gàr mờ dong kờl kơnòm dềt ơm kis niam, bơceh lơh tàm internet tơngai bơh nam 2021-2025”.