Hìu bơsram Mầm non Sao Mai là dùl tàm ală hìu bơsram geh Ƀộ Ling klàng mờ ală mpồl lơh sa kă bro ling klàng lam lơh tàm tiah nhàr lơgar. Hìu bơsram geh uă bơnah broă drơng jơnau kờñ bơsram ai rlau 300 nă kơnòm mầm non tàm 24 ƀòn gơ wèt ală sàh tiah nhàr lơgar đah mat tơngai mut càr Gia Lai dê. 

Đại tá ồng Khuất Bá Cao, Ƀí thư Anih duh broă Đảng càr, Phó Kwang đơng lam Ling mpồl 15 pà git, broă sơn đờm ai ngui Hìu bơsram Mầm non Sao Mai pơgồp bơnah drơng jơnau kờñ bơto bơtê mờ bơsram bơh oh kòn kwang bàng, cau ling, cau lơh broă mờ làng bol dê, bơt bơtàu bơnàng jă ai bơtàu tơnguh kơnhăp jŏ bơh tiah  nhàr lơgar dê in. Ling mpồl 15 kơp kờñ sàh, hìu bơsram rơp bal mờ Ling mpồl 15 ngui jŏ jòng sùm bơta kuơ bơh hìu bơsram dê.