Jơnau yal tàm pơrjum pà gŏ, tơnơ̆ mờr 8 nhai lơh, càr neh lơh pa mờ lơh niam wơl rơlao 8 rơbô 900 nơm hìu ai cau rơƀah in, mờ kờp jơh priă lơh mờr 698 tơmàn đong.

Ƀí thư Tỉñ ủy ồng Nguyễn Đình Trung đơs nền, cồng nha do ờ mìng dong kờl git nđờ rơbô hìu làng bol kơl jăp anih ơm mờ gam là gùng dà broă lơh kwơ màng nàng gàr niam rài kis broă lơh sa mpồl bơtiàn, ai geh bơnàng jă bơtàu tơnguh kơl jăp. Ƀí thư Tỉñ ủy càr Dăk Lăk sồr ală kấp, gah lơh broă pơn jăt tai sền gròi broă lơngăp lơngai rài kis, dong kờl broă lơh broă sa, lơh ngan tus nam 2030 ờ gam geh hìu rơƀah tai. Di tàm dơ̆ do, kwang đơng lam càr Đồng Nai jào pà 38 tơmàn đong nàng dong kờl Broă lơh tơn jơh hìu sèt, hìu ồm ñhăt dà mìu tàm càr Dăk Lăk in.