Jăt mpồl cau jơngo măt càr Dăk Lăk yal, tŭ do càr geh rơlao 530 nă cau jơngo măt. Tàm 5 nam do, càr neh lơh 20 rơndăp broă nàng ai broă lơh, hòi jà geh mờr 270 nă cau lơh broă là cau jơngo măt tus bal, tơrgùm tàm broă lơh, ròng phan, tam phan mờ kă bro dềt.

Mpồl cau jơngo măt càr Dăk Lăk gam pơgồp bal mờ ală anih bơyai lơh bơto ceh să ai git nđờ jơt nă cau tàm mpồl in, tơrbŏ bal mờ yal broă lơh. Geh ờ uă cau tàm mpồl tơnơ̆ mờ tŭ geh bơsram broă lơh, neh pờ is hìu lơh broă tàm ƀòn lơgar, pơgồp bal tàm broă bơsong geh broă lơh ai uă cau in mờ khà priă geh  tơl nă cau 3 tơlăk 500 rơbô đong pah nhai. Ală broă lơh ngan bơh càr dê tàm 5 nam do neh pơgồp bal tàm broă tơnguh uă rài kis phan bơna ai cau jơngo jăt in. Khà hìu rơƀah tàm mpồl cau jơngo măt neh gơmù 4% bơh 17,5% gam 13,4%.