Tàm khà 22 ƀồc ntìng cau ling chơ̆t màng geh jòi gŏ, geh jun rê tàm ƀòn tờm tàm kàl prang nam 2022-2023, geh 8 ƀồc ntìng cau ling chơ̆t màng geh jòi gŏ tàm càr Stung Treng. Tàm càr Ratanakiri mờ Preh Vihear, tơl càr geh jòi gŏ 7 ƀồc ntìng cau ling chơ̆t màng.

Tus tŭ do, Đội K52 càr Gia Lai neh jòi gŏ mờ tơrgùm mờ jun rê wơl tàm ƀòn tờm geh 1 rơbô 468 ƀồc ntìng cau ling chơ̆t màng, ling dong kờl is mờ kwang bàng jak chài lơgar Việt Nam chơ̆t phi să tàm ală rài tam lơh. Tàm dơ̆ ies mờ tơ̆p ƀồc, kwang đơng lam bồ càr Gia Lai, ală ƀan, ngàñ, mpồl cau, ala mat ală rơnàng làng bol, mpồl ling phàu crong càr Gia Lai neh ngoh rngăc wă rò ală cau ling chơ̆t màng rê wơl tàm tiah ơm rlô. Tàm nùs nhơm yŭ rơyùm, ală cau ala mat neh jơh nùs pơdơng bơkào, chu ñàng, tơngŏ nùs nhơm gĭt ưn ngài uă ngan bơh làng bol Việt Nam dê gơwèt mờ ală cau kòn jak ngan bơh Dà lơgar dê neh khin cha jak chài tam lơh mờ chơ̆t phi să tài ring lơngai bơh 2 jơi bơtiàn lơgar Việt Nam mờ Campuchia.