Bơnah priă pơgồp bơnah lơh geh broă lơh broă sa, bơtàu tơnguh rài kis ai làng bol tàm ală tiah gam uă kal ke in. Càr Gia Lai tŭ do geh rlau 38 rbô 500 hìu rƀah, geh tus 90% tàm khà do là làng bol jơi bơtiàn dùl êt nă cau. Nàng dong làng bol dùl êt nă cau kơ̆ kơl jăp rài kis, Gia Lai neh lam lơh uă broă ai càn priă dong kờl. Tàm 6 nhai bồ nam 2023, Ngân hàng Cíñ săc Xã hội càr Gia Lai neh ai càn 964 tơmàn đong bal mờ rlau 25 rbô hìu càn priă, tàm hơ̆, hìu làng bol jơi bơtiàn dùl êt nă cau là rlau 13 rbô hìu bơnhă, khà priă càn mờr 500 tơmàn đong, mờr ndrờm mờ 52% kờp jơh khà priă ai càn.

Mờr 1 rbô hìu geh dong kờl mờr 50 tơmàn đong nàng tam gơl broă lơh, ù ơm, ù lơh sa mờ lơh hìu ơm...Priă do neh pơgồp bơnah dong ală hìu rƀah, hìu mờr ndrờm bè hìu rƀah mờ hìu làng bol jơi bơtiàn dùl êt nă cau tàm càr Gia Lai bơsong geh ală kal ke tàm rài kis, bơtàu tơnguh lơh sa, bơtàu tơnguh rài kis mờ lik klàs rƀah kơ̆ kơl jăp jŏ jòng.