Bơh ngai 01 nhai 7 tus ngai 15 nhai 7 Cơl dŭ lơh broă dan cih măt ù tiah càr Lâm Đồng neh dờp rơlao 77 rơbô 100 pang sră mờ bơsong geh rơlao 58 rơbô 500 pang sră. 124 sàh, sơnah ƀòn, tiah is ồn tàm càr dờp rơlao 24 rơbô 200 pang sră, bơsong geh 13 rơbô 300 pang sră.

Cồng nha pà gŏ, geh rơlao 32 rơbô pang sră ù tiah ờ hềt thàn bơsong. Ồng Bùi Thanh Hà, Phó Kwang lam bồ Sờh Broă lơh sa suơn sre mờ Tiah ơm kis càr Lâm Đồng pà git, gam uă gơkòl tàm broă lơh jăt broă dờp, bơsong sră nggal bè ù tiah. Nàng bơsong bơta kal ke, gơkòl lơh mhar broă dờp, bơsong sră nggal bè ù tiah, Sờh Broă lơh sa suơn sre mờ Tiah ơm kis càr Lâm Đồng gam lơh uă gùng dà broă lơh, tàm hơ̆ tơrgùm tàm broălơh gơs gùng dà broă pơgồp bal ală gah lơh broă; lơh pràn broă mblàng yal, bơto sồr làng bol tàm broă ngui broă lơh drơng ala tàm internet.