Do là rơndap broă lơh hìu ơm mpồl bơtiàn sơn rờp bơh càr Lâm Đồng dê geh lơh tàm tiah làng bol kòn cau dùl ết nă cau. Rơndap broă lơh kờp jơh geh priă cri lơh rlau 200 tơmàn đong, lơh tàm ù tiah ơnàng mờr 18 rơbô thơk vuông, tàm hơ̆ geh 4 hìu làng bol ơm bal jơnhoa 5 cờn, ai 303 hìu ơm mpồl bơtiàn mờ 68 nơm hìu kă bro.Tơnơ̆ tŭ lơh sir mờ mŭt ngui rơ̆p bơsong jơnau kờñ geh hìu ơm ai pơgap 1 rơbô 500 nă kông ñân, cau lơh broă tàm Tiah lơh sa mờ măi mok Phú Hội mờ làng bol lơh geh priă jền ờ uă tàm ù tiah do in.

Đơs tàm dơ̆ sơnđờm mut lơh rơndap broă lơh, ồng Trần Văn Hiệp, Củ tịc Ủy ƀan Ñân zân càr Lâm Đồng pà gĭt, càr gam pơnđơl pràn lơh ngan tơrgùm lơh jat jơnau kờñ lơh 2 rơbô 980 nơm hìu ơm mpồl bơtiàn tàm tơngai bơh nam 2021-2030, tàm hơ̆ geh 500 nơm hìu ơm ai kông ñân in.