Tàm Hìu bơsram kấp 2 Chu Văn An tàm sàh Ia O, càr Gia Lai, Đại tá Đoàn Ngọc Báu, Cíñ ủy Mpồl ling sền gàr Tiah nhàr lơgar càr Gai Lai neh jào phan pơlam bồ nam bơsram ai 2 nă kơnòm bơsram gơwèt Broă lơh “Pơlam oh lòt bơsram” mờ 20 nă kơnòm bơsram ndai tàm Rơndăp broă lơh “Kwang bàng, cau ling Ling klàng pơlam oh lòt bơsram”, mờ kờp jơh priă rơlao 150 tơlăk đong.

Ală pò phan ai tơngŏ nùs nhơm niam, kơnòl bơh ală cau ling tàm tiah nhàr lơgar ai ală rơnàng kơnòm să in. Do kung là phan nàng pơlam mờ dong kờl ală kơnòm bơsram sơrlèt mờ kal ke, iang nùs bơsram sră. Kờp jơh tàm gơl gùng nhàr lơgar càr Gia Lai dê, ală pôs ling sền gàr tiah nhàr lơgar càr tơnguh 85 pò phan, tơl pò phan geh 2 tơlăk đong gơwèt broă lơh “Kòn ròng pôs ling Sền gàr tiah nhàr lơgar” mờ 193 pò phan tơl pò phan geh 7 tơlăk 400 rơbô đong tàm Rơndăp broă lơh “Pơlam oh lòt bơsram”. Kờp jơh priă bơh dơ̆ dong kờl geh mờr 1 tơmàn 600 tơlăk đong.