Tơnơ̆ mờ 5 nam pơgồp bal rơcang sơndră mờ tơmù ờ uă ngan rềs àr bơh trồ tiah lơh aniai tàm gah bơto mờ bơsram dê, ală càr, ƀòn dờng bơyai lơh uă dơ̆ pơrlòng, bơsram tàp, lơh broă hờ bơdìh broă bơsram, wèt tus tơnguh jơnau git wă bal mờ bơta git tàm broă rơcang sơndră mờ rềs àr bơh trồ tiah dê lơh aniai.

Geh uă broă yal tơngit bè rơcang sơndră mờ tơmù ờ uă ngan rềs àr geh kwơ neh bơyai lơh bè: dơ̆ pơrlòng “Dong klàs plai ù – Kơnòm dềt bơceh lơh cau khin cha jăk chài ngan nàng kơrian rềs àr mờ tam gơl trồ tiah”, “Bơceh jơnau pa ai jơnau đơs pơn đik mờ jơnau đơs crih ờs mờng bè rơcang sơndră mờ rềs àr bơh trồ tiah”, sềr rùp hờ bơdìh ù tiah mờ tơngu me “Bal mờ oh rơcang sơndră mờ rềs àr bơh trồ tiah – Bơh ceh lơh rài tơnơ̆ do kơl jăp”, Bơsram tàp rơcang sơndră mờ tơrluh ù tàm hìu bơsram kấp 1 Măng Đen, kơnhoàl Kon Plông, càr Kon Tum... Bơdìh mờ cồng nha neh lơh geh, broă lơh do gam pơgồp bal tàm broă rơcang sơndră mờ rềs àr bơh trồ tiah đah Ƀộ Giáo zụk mờ Đào tạo bal mờ Ƀộ Nông nghiệp mờ Phát triển Nông thôn kung gam geh ờ uă bơta ờ pràn bè: geh tŭ broă pơgồp bal ờ hềt di tŭ; ală broă lơh hờ bơdìh ơdŭ bơsram bè rơcang sơndră mờ rềs àr bơh trồ tiah gam ờ ndrờm bal đah ală tiah; broă bơto, bơsram tàp ai mpồl cau pơgru ală hìu bơsram bè broă bơyai lơh hờ bơdìh ơdŭ bơsram bè rơcang sơndră mờ rềs àr bơh trồ tiah ờ hềt geh sền gròi, lơh pràn.