Kờp jơh priă lơh jăt broă do là rơlao 1 tơmàn 400 tơlăk đong. Tơnguh cồng nha neh lơh geh, nam 2023, Đoàn ơruh pơnu gah ồs đèng càr Dăk Lăk pơn jăt tai ai broă lơh ală broă Sòl àng gùng ƀòn tàm broă pơrlòng mờ jào kơnòl mùl màl ai ală tiah in.

Ală nhai bồ nam do, ală mpồl lơh broă neh pơgồp bal lơh ală broă lơh sòl àng gùng ƀòn tàm Ƀòn ơruh pơnu lơh broă (xã Ia Lốp, kơnhoàl Ea Súp), thôn Đồi Đá, xã Krông Búk, kơnhoàl Krông Păc; ƀòn Ga, xã Ea Kmŭt, ƀòn Ea Knốp, xã Cư̆ Ni mờ ală ƀòn 1-2-3, xã Xuân Phú ndrờm gơwèt kơnhoàl Ea Kar. Mìng is tàm nhai 3, Nhai ơruh pơnu nam 2023, gah ồs đèng neh lơh 2 broă lơh sòl àng gùng ƀòn tàm Thôn 1, Thôn 2, xã Bình Hoà, kơnhoàl Krông Ana mờ tàm xã Khuê Ngọc Điền, kơnhoàl Krông Bông. Ală broă lơh “Sòl àng gùng ƀòn” geh kwơ màng mùl màl ờ mìng drơng tàm broă kờñ lòt rê bơh làng bol, mờ gam pơgồp bal tàm broă sền gàr bơta lơngăp lơngai mpồl bơtiàn mờ lơngăp lơngai broă lòt tàm gùng in.