Mờ tơngu me Cau kơnòm să càr Dăk Lăk tus bal ngui kông nghệ sồ tàm broă bơ̆t bơtàu ƀòn lơgar pa mờ tiah drà gơguh jăk, Broă lơh Ơruh pơnu lơh broă nùs nhơm dong kờl kàl rơlô bơkang nam do geh Tỉñ đoàn Dăk Lăk lơh bơh nhai 4 tus jơh nhai 10 mờ 5 broă lơh dờng là: Tus bal dong kờl kàl pơrlòng, Kàl rơlô bơkang tơlir, Bơkào phượng pơrhê, Dơ̆ ơm rơlô phồng mờ Broă lik lơh broă tơlir.

Tàm dơ̆ lik lơh broă, Tỉñ đoàn mờ ală mpồl lơh broă dong kờl jào pà ală khà priă nàng lơh Hìu dong kờl, jào priă mŭt lơh broă, pà phan mờ priă bơsram ai kơnòm pa tào, kơnòm dềt bal mờ ală hìu nhă geh sră dong kờl bơh dà lơgar in kờp jơh geh rơlao 700 tơlăk đong. Bal mờ hơ̆, tàm 15 kơnhoàl, thị xã tàm gùt càr, ală kấp mpồl đoàn kung neh bơyai lơh dờp bal dơ̆ lik lơh broă mờ 75 broă lơh, bơnah broă ơruh pơnu dê. Kờp jơh khà priă ală broă lơh là rơlao 2 tơmàn 100 tơlăk đong.