Tàm kờp jơh 6 rbô nă cau dờp sră dan dờp priă ƀảo hiểm ờ geh broă lơh, geh 4 rbô 200 nă cau lơh broă tàm ală càr ndai, 1 rbô 800 nă cau lơh broă tàm càr. Anih tờm broă drơng ala yal tơnggit jòi broă lơh càr Dăk Lăk neh sền sơ wì sră nggal mờ ai tơlik jơnau đơs anih lơh broă geh gơnoar in tơlik 5 rbô 700 kơrnuat dờp priă dong kờl ờ geh broă lơh mờ khà priă tă tơm là 90 tơmàn đông.

Ồng Nguyễn Văn Cường, Phó Kwang atbồ Anih tờm broă drơng ala yal tơnggit jòi broă lơh càr Dăk Lăk pà git, Anih tờm neh pơgồp bal jơh nùs mờ anih lơh broă Ƀảo hiểm xã hội nàng bơsong di tŭ ală kal ke, kòl yan gơlik geh tàm tŭ lam lơh broă lơh dong kờl ƀảo hiểm ờ geh broă lơh, gàr niam gơnoar kuơ ai cau lơh broă in. Bal mờ hơ̆, Anih tờm kung yal tơnggit jòi broă lơh, pơlam bơsram broă lơh ai cau lơh broă in nàng khi gờñ jòi geh broă lơh dipal.