Mho ngai 17/09, Gah Đơng lam Ling klàng càr Dăk Lăk bơyai lơh tìp măt cau geh bơngă pin dờn tàm làng bol jơi bơtiàn dồ êt nă cau. Jơh gùt càr tŭ do geh rlau 1 rbô 600 nă cau geh bơngă pin dờn pơnrơ ngan, gơ wèt 49 jơi bơtiàn. Tàm dơ̆ tìp măt, ală cau ala măt yal mờng chài tàm lơh broă hòi jà làng bol, tơrña bơyai, bơ̆t bơtàu ƀòn lơgar pa, hòi jà ơruh pơnu lòt ling.

Đơs tàm dơ̆ tìp, Đại tá ồng Niê Ta, Lam bồ Gah đơng lam Ling klàng càr Dăk Lăk cih dờp tă pơgồp dờng ngan bơh kra ƀòn, lam bồ ƀòn, cau geh bơngă pin dờn dê gơ wèt mờ kơnòl broă sền gàr dà lơgar, broă ling klàng ƀòn lơgar dê. Đại tá ồng Niê Ta sồr pơn jăt tai pơgồp bal bơnĕ bơnài adăt boh lam mờ adăt bơhiàn yau, mblàng yal, hòi jà làng bol lơh jăt gùng dà, jơnau sồr Đảng mờ Dà lơgar dê. Di dơ̆ do, Gah Đơng lam Ling klàng càr jàu sră jờng rơ ai 30 nă cau nă să is pơnrơ ngan in tàm lơh jăt kơnòl broă sền gàr dà lơgar, pơgồp bơnah bơ̆t bơtàu rài jơh gùt làng bol sền gàr dà lơgar.