Dơ̆ ies mờ tơ̆p ƀồc geh bơta tus bal bơh ala mat kwang bàng Dà lơgar, Ling tiah 5, Ƀộ Tư lệñ Ling mpồl 15, đơng lam bồ càr bal mờ uă ngan kwang bàng, cau ling mờ làng bol tiah do dê. Đơs tàm dơ̆ iês mờ tơ̆p ƀồc, Phó Củ tịc Anih duh broă Làng bol càr mò Nguyễn Thị Thanh Lịch đơs nền càr Gia Lai là tiah tam lơh tờm mờ uă dơ̆ tam lơh cui rơcai bè Pleime, Ia Drang, Ia Boòng, Ia Mơr, Ia Puch…

Mhàm ntìng bơh ală cau ling dê neh pơgồp bơnah lơh geh phan lin dờng nam pa 1975, tơrgùm dùl Dà lơgar. Broă jòi, tơrgùm, ies tơ̆p ƀồc cau ling chơ̆t màng là kơnòl broă mờ nùs nhơm kờñ gơboh bơh Đảng, Dà lơgar mờ làng bol dê. 18 ƀồc ntìng cau ling chơ̆t màng dơ̆ do geh jòi gŏ bơh ngai 9 tus ngai 15 nhai 10 tàm ƀòn Gà (sàh Ia Boòng), uă ƀồc ntìng gam gàr wơl mờ ơyun, biài jù mờ ală phan lời wơl bè zép kao su, sơmi ào, rơsi kèr sŏ.