Broă lơh lơh hìu ơm mpồl bơtiàn bơh càr Gia Lai dê geh lơh bơh nam 2021. Tàm khà 20 rơndăp broă lơh geh sền swì ring bal, geh 6 rơndăp broă lơh neh lơh sir, 3 rơndăp broă lơh lơh sir dùl bơnah, ai mờr 4 rbô 500 nơm hìu ơm. 10 rơndăp broă lơh ndai gam mờ mờr lơh, rơ̆p ai pơgăp 7 rbô 600 nơm. Tàm hơ̆ geh pơgăp 2 rbô nơm rơ̆p lơh sir bơnah bơh sơnrờp halà lơh sir tàm nam do. Digơlan tus jơh nam 2025, Gia Lai rơ̆p lơh sir geh rlau 31% broă rơndăp lơh lơh hìu ơm mpồl bơtiàn tơngai bơh nam 2021- 2030.

Ồng Nguyễn Hữu Quế, Phó Củ tịc Anih duh broă Làng bol càr Gia Lai pà gĭt, càr gam tơrgùm lơh pràn lam lơh ală rơndăp broă lơh, lơh ngan lơh gơs 16 rbô 600 nơm jăt di broă rơndăp lơh dê sồr lơh, pơgồp bơnah lơh jăt ală jơnau neh lơh nền Cíñ phủ dê bè “Bơcri priă lơh êt ngan bơh 1 tơlak nơm hìu ơm mpồl bơtiàn ai cau lơh geh priă ờ uă, cau lơh phan tiah lơh sa mờ măy mŏk in tơngai bơh nam 2021- 2030”.