Jat ồng Huỳnh Quang Thái, Củ tịc Ủy ƀan Ñân zân kơnhoàl Chư Pưh pà git, cau tờm bơcri priă lơh bơh rơndap broă lơh hìu măi ồs đèng càl Ia Le 1, Kông ty pơgồp bal priă bơcri lơh ồs đèng càl Cao Nguyên 1 neh lơh broă mờ lơh geh jơnau ring bal mờ 3 tàm khà 4 hìu bơnhă geh hìu ơm, phan bơna gơtìp gơ rềng tơn bơh ală jrong tourbin càl. Tơngume jơnau ring bal là mpồl lơh sa kă bro rơp dong kờl ală hìu bơnhă lơh hìu jat tơl khà hìu ơm ƀòn lơgar, anih lơh rềp ƀòn làng bol ơm kis; lơh gùng lòt, tuh lŭ rơđeh nàng ƀuơn ai broă lòt rê in; lơh jat jơnau kờñ bè ồs đèng, dà ngui sa.

Ồng Huỳnh Quang Thái pà git, tŭ do kwang đơng lam bồ Ủy ƀan Ñân zân kơnhoàl neh jàu ală gah broă lơh bơh kơnhoàl dê sền sơ wì nàng lam lơh. Ală hìu bơnhă gam wơl geh ù tam phan, ù lơh sa gơtìp gơ rềng rơp pơn jat tai geh sền sơ wì, dong kờl jat jơnau sồr.