Jào khà priă dong kờl tus Mpồl Lam dong kờl Dà lơgar, Phó Kwang lam bồ Mpồl Mblàng yal Bơto bơtê mờ Hòi jà Làng bol dà lơgar ồng Trần Thanh Lâm pà git: 

Tơngai pa do, mìu dà tih dà cò neh lơh hoàc huơr uă gơwèt mờ làng bol ală càr, tơnguh nùs nhơm “dong kờl, tam klăc bal”, “nha ngan glòm nha sèt”, tam pà bal piang sào ào soh, “sơnđàc cau rơlao mờ să tờm” mờ dờp bal jơnau hòi jà bơh Mpồl Củ tịc Anih duh broă Mặt trận Dà lơgar Việt Nam dê, mpồl kwang bàng, đảng viên, cau lơh broă tàm Mpồl Blàng yal bơto bơtê mờ Hòi jà Làng bol Dà lơgar kơ̆p kờñ bơh Mpồl Lam lơh dong kờl Dà lơgar pơyoa tus nùs nhơm bơh să tờm dê tus mờ làng bol tàm tiah gơtìp dà tih dà cò nàng pơgồp bal tàm broă tam pà bal mờ ală kal ke, roh rui, moăt jrùng mờ làng bol pa gơtìp. Tus mho ngai òr (25/11), khà priă dan dong kờl bơh tàm Mpồl lam lơh Dong kờl Dà lơgar neh rơlao 2 rơbô 88 tơmàn đong.