Jờng rơ 21 nă kơnòm bơsram “kòn ròng pôs đồng ling sền gàr tiah nhàr lơgar” pơn rơ jak tàm càr Dăk Nông
Thứ sáu, 10:44, 18/08/2023
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Mho ngai 17/08, tềng đăp nam bơsram pa, Gah đơng lam Mpồl ling sền gàr tiah nhàr lơgar càr Dăk Nông bơyai lơh dơ̆ tìp mat jờng rơ kơnòm bơsram pơn rơ jak tàm broă lơh “Dong kờl oh lòt bơsram- kòn ròng pôs đồng ling sền gàr tiah nhàr lơgar” mờ rơndăp broă lơh “Kwang bàng, cau ling. mpồl ling klàng dong kờl oh lòt bơsram” nam bơsram 2022-2023.
Mờ jơnau đơs “jàu akhar, dờp bơta kơ̆p kơnờm” bơh nam 2016 tus tŭ do, neh geh 222 nă kơnòm bơsram tàm 7 xã tiah nhàr lơgar càr Dăk Nông mờ 12 nă kơnòm bơsram bơh càr Mondulkiri, lơgar Campuchia dê, geh ling sền gàr tiah nhàr lơgar dong kờl lòt bơsram. Kờp jơh priă dong kờl ală kơnòm geh rài kis kal ke là mờr 4 tơmàn 500 tơlak đong tă pơgồp dong kờl bơh jơh gùt mpồl ling sền gàr tiah nhàr lơgar càr Dăk Nông dê.
Kơnờm bơta dong kờl bơh kwang bàng, cau ling mpồl ling sền gàr tiah nhàr lơgar dê, ală kơnòm bơsram neh pơnđơl pràn lơh ngan sùm nàng sơr lèt gan ală bơta kal ke, suơ̆i siar bè phan bơna bal mờ nùs nhơm nàng gơ gơs kòn gơlòng sồr, kơnòm bơsram jak.
Viết bình luận