Kon Tum: Lam lơh Nhai dong kờl kòn bơnus nam 2023
Thứ ba, 08:55, 16/05/2023
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Mờ tơngume “Bơh plai nùs tơl nă bol he dong kờl bal bơta pràn bơt bơtàu mpồl bơtiàn kờñ gơboh kòn bơnus”, drim ngai 15/05, tàm ƀòn dờng Kon Tum, Mpồl Cữ thập đỏ càr Kon Tum bơyai lơh dơ̆ lam lơh Nhai dong kờl kòn bơnus nam 2023, tơngkah kir sơn rai 160 nam tơlik mat srơh Cữ thập đỏ mờ Àng dar mơ̆ pơrhê dunia dê.
Tàm nhai dong kờl kòn bơnus nam 2023, Mpồl Cữ thập đỏ càr Kon Tum pơnđơl pràn lơh ngan dong kờl bơh 2 rơbô tus 3 rơbô dơ̆ cau geh rài kis kal ke; bơt bơtàu broă dong kờl kòn bơnus kờp priă 150 tơlak đong; lơh 10 nơm hìu Cữ thập đỏ kờp priă bơh 300 tơlak đong rlau hơđang; mblàng yal tơn mờ bơto pơlam ai 1 rơbô nă cau in gĭt bè jơnau kờñ, gơtha bơh broă pà mhàm dong kờl is.
Đơs tàm dơ̆ lam lơh Nhai dong kờl kòn bơnus nam 2023, mò Y Ngọc, Phó Củ tịc Ủy ƀan Ñân zân càr Kon Tum jờng rơ Mpồl Cữ thập đỏ ală kấp tàm Nhai dong kờl kòn bơnus nam 2022 neh hòi jà tă pơgồp geh mờr 6 tơmàn đong dong rlau 11 rơbô 800 nă cau geh rài kis kal ke.
Viết bình luận