Do là dơ̆ hòi jà geh kwơ ngan tài bơh tàm kờp jơh khà kờp làng bol rlau 610 rơbô nă bơh càr Kon Tum dê, làng bol kòn cau dùl ết nă cau geh mờr 55% rài kis gam uă kal ke mờ khà hìu bơnhă làng bol kòn cau dùl ết nă cau gơwèt hìu bơnhă rƀah geh tus rlau 95% hìu bơnhă rƀah bơh càr dê.

Nàng lơh geh jơnau kờñ tus nam 2025, càr Kon Tum geh bơh 70% hìu bơnhă làng bol kòn cau dùl ết nă cau, hìu bơnhă rƀah, hìu bơnhă ndrờm bè rƀah geh tam gơl bơta kơlôi sơnơng, sang tĕ hời rơ hời bơhiàn bơrngơl gơla, pơnđơl pràn lơh ngan brồ guh lik klàs rƀah; rlau 25% hìu bơnhă rƀah mờ hìu bơnhă ndrờm bè rƀah là làng bol kòn cau dùl ết nă cau geh rài kis phan bơna, nùs nhơm geh bơtàu tơnguh, Mpồl lơh kơnòl broă sùm Tỉn ủy càr Kon Tum ai tơlik uă broă lơh, bè: ngui uă ngan rlau jơh gơnoar broă đơng lam bơh ală kấp ủy mờ jơnau đơs “Lòt tơl sơnah ƀòn, tĕ tơl nơm mpồng hìu”, “Mìu nhàc sù jŏ”, “At tê sñio broă”, tàm bơr lŭ bal mờ ală broă lơh jơnau kờñ dà lơgar dê...